एमाले पुनर्गठनको अवस्थामा छैन, पुनर्जागरणमा छौँ : ओली

नेकपा एमालेका अध्यक्ष केपी शर्मा ओलीले पार्टी पुनर्गठनको माग गर्दै अध्यक्ष परिवर्तनको अभियान चलाउनेहरूलाई अराजक गतिविधि नगर्न चेतावनी दिएका छन्। झापामा ‘मिसन पार्टी जागरण अभियान’ उद्घाटन गर्दै ओलीले एमाले अहिले पुनर्गठन नभई पुनर्जागरणको अवस्थामा रहेको बताए। उनले सामाजिक सञ्जाल वा हस्ताक्षर अभियानमार्फत नेतृत्व परिवर्तन गर्ने प्रयास स्वीकार्य नहुने भन्दै पार्टीको नीति, गन्तव्य र कार्यक्रम परिवर्तनलाई मात्र वास्तविक पुनर्गठन भने।