आगामी मौद्रिक नीतिका लागि राष्ट्र बैंकले माग्यो सुझाव

नेपाल राष्ट्र बैंकले आर्थिक वर्ष २०८३/८४ को मौद्रिक नीतिका लागि सर्वसाधारण र संघसंस्थासँग सुझाव माग गरेको छ। इच्छुक पक्षले असार ५ गतेभित्र इमेलमार्फत सुझाव पठाउन सक्नेछन्। साउन १५ गतेभित्र मौद्रिक नीति सार्वजनिक गरिनेछ। बैंकिङ क्षेत्रमा अधिक तरलता, न्यून कर्जा प्रवाह, बढ्दो महँगी र घट्दो ब्याजदर व्यवस्थापन प्रमुख चुनौतीका रूपमा देखिएका छन्।