सरकारी कर्मचारीको वैदेशिक भ्रमणमा प्रधानमन्त्री कार्यालयको पूर्वस्वीकृति अनिवार्य

सरकारी तथा निजामती कर्मचारीले वैदेशिक भ्रमणमा जानुअघि अब प्रधानमन्त्री तथा मन्त्रिपरिषद्को कार्यालयको पूर्वस्वीकृति लिनुपर्ने भएको छ। भ्रमणलाई व्यवस्थित र मितव्ययी बनाउन प्रधानमन्त्री कार्यालयले सबै मन्त्रालय, आयोग तथा निकायलाई परिपत्र गरेको हो। स्वीकृतिबिना कर्मचारीको मनोनयन र भ्रमण रोकिएको छ। विदेशबाट फर्किएका कर्मचारीले कार्यालयमा हाजिर भएको पाँच दिनभित्र भ्रमणबाट प्राप्त ज्ञान, सीप र अनुभव सहकर्मीमाझ अनिवार्य रूपमा आदानप्रदान गर्नुपर्ने व्यवस्था गरिएको छ।