सार्वजनिक संस्थानको कुल सम्पत्ति एक वर्षमै करिब पौने ३ खर्बले बढ्यो

सरकारी स्वामित्वका बैंकमा निक्षेप र कर्जा बढेसँगै सार्वजनिक संस्थानहरूको कुल सम्पत्ति आर्थिक वर्ष २०८१/८२ मा ३२ खर्ब ६ अर्ब पुगेको छ। यो अघिल्लो वर्षभन्दा ९.४९ प्रतिशत बढी हो। अर्थ मन्त्रालयका अनुसार स्थिर सम्पत्ति, लगानी, कर्जा र नगद मौज्दातमा वृद्धि हुँदा संस्थानहरूको वित्तीय अवस्था सकारात्मक देखिएको छ, यद्यपि चालु सम्पत्ति भने केही घटेको छ।