महाधिवेशन रोक्न देउवाले दिएको रिट त्रुटिपछि फिर्ता

नेपाली कांग्रेसका पूर्वसभापति शेरबहादुर देउवाले १५औँ महाधिवेशन रोक्न माग गर्दै सर्वोच्च अदालतमा पेस गरेको रिट त्रुटि देखिएपछि फिर्ता लिएका छन्। रिट दर्ता भइसकेको थिएन। मुद्दा नम्बरलगायत विवरण सच्याएर सोमबार पुनः पेस गर्ने तयारी छ। देउवा पक्षले कांग्रेसको आधिकारिकता विवादमा सर्वोच्चले पुनरावलोकनको निस्सा दिइसकेको भन्दै त्यसको टुंगो नलागेसम्म महाधिवेशन प्रक्रिया रोक्न माग गरेको हो। पूर्वउपसभापति पूर्णबहादुर खड्का भने रिटबारे परामर्शमै छन्।