प्रतिनिधिसभा बैठक साउन १९ सम्म स्थगित

प्रतिनिधिसभाको बिहीबार बसेको बैठक पाँच दिनका लागि स्थगित भएको छ। अर्थसम्बन्धी केही नेपाल कानुनलाई संशोधन तथा खारेज गर्ने विधेयक, २०८३ दफावार छलफलका लागि सम्बन्धित समितिमा पठाउने प्रस्ताव सभाले स्वीकृत गरेको छ। साथै पूर्वसांसद तथा संविधानसभा सदस्य गोपालमान श्रेष्ठप्रति शोक प्रस्ताव सर्वसम्मत पारित गर्दै सभामुख डोलप्रसाद अर्यालले अर्को बैठक साउन १९ गते दिउँसो १ बजे बस्ने गरी स्थगित गरेका छन्।