जीवित सबै पूर्वप्रधानमन्त्रीविरुद्ध अख्तियारमा उजुरी

अख्तियार दुरुपयोग अनुसन्धान आयोगमा जीवित सबै पूर्वप्रधानमन्त्रीविरुद्ध उजुरी परेको छ। बिहीबार राज्य व्यवस्था तथा सुशासन समितिको बैठकमा सांसदको प्रश्नको जवाफ दिँदै प्रमुख आयुक्त प्रेमकुमार राईले पूर्वप्रधानमन्त्रीसम्बन्धी सबै उजुरीमाथि आयोगले अध्ययन गरिरहेको बताएका छन्। उजुरीको विषयमा थप विवरण सार्वजनिक गर्न नमिल्ने उनको भनाइ छ। हाल सात पूर्वप्रधानमन्त्री र एक पूर्वमन्त्रिपरिषद् अध्यक्ष जीवित रहेका छन्।