हङकङलाई हराउँदै नेपाल एसियन गेम्स पुरुष क्रिकेट छनोटको च्याम्पियन

सिंगापुरमा सम्पन्न एसियन गेम्स पुरुष क्रिकेट छनोटको फाइनलमा नेपालले हङकङलाई डीएलएस पद्धतिअनुसार १९ रनले पराजित गर्दै उपाधि जितेको छ। १८९ रनको लक्ष्य पछ्याइरहेको नेपालले ११.३ ओभरमा २ विकेट गुमाएर ११४ रन बनाएको अवस्थामा वर्षाका कारण खेल रोकिएपछि नेपाल विजयी घोषित भएको हो। कुशल भुर्तेलले ६५ रनको उत्कृष्ट इनिङ्स खेले भने रोहित पौडेल ३५ रनमा अविजित रहे। यसअघि हङकङले अंशुमन राथको ८० रनको मद्दतमा १८८ रन बनाएको थियो। दुवै टोली प्रतियोगिताभर अपराजित रहँदै फाइनल पुगेका थिए।