सर्वोच्चमा इजलास गठन र मुद्दा स्थानान्तरणविरुद्ध दुई रिट

सर्वोच्च अदालतमा मुद्दा पूर्ण इजलासबाट संवैधानिक इजलासमा पठाउने प्रक्रिया र संवैधानिक इजलास गठनमा वरिष्ठता मिचिएको दाबी गर्दै दुई छुट्टाछुट्टै रिट पेस भएका छन्। अधिवक्ता डा. प्रेमराज सिलवालले सर्वोच्च प्रशासन र अदालतलाई विपक्षी बनाई रिट दायर गरेका हुन्। संयुक्त इजलासको आदेशविपरीत मुद्दा स्थानान्तरण गर्न नहुने र संवैधानिक इजलासमा वरिष्ठता वा गोलाप्रथा अपनाउनुपर्ने माग रिटमा गरिएको छ।