कीर्तिपुर क्रिकेट रंगशाला राष्ट्रिय प्राथमिकतामा

सरकारले कीर्तिपुरस्थित त्रिवि क्रिकेट रंगशालालाई राष्ट्रिय प्राथमिकता प्राप्त आयोजनामा सूचीकृत गरेको छ। सहरी विकास मन्त्रालयका अनुसार स्वीकृत गुरुयोजनाअनुसार रंगशालामा थप १० अर्ब रुपैयाँ लगानी गरिनेछ। आवश्यक जग्गा प्राप्ति र नयाँ सम्झौताका लागि सम्बन्धित निकायलाई निर्देशन दिइएको छ। लगानीपछि रंगशाला अत्याधुनिक र क्षमतावान् बन्नेछ।