अस्पतालमा पनि हप्तामा दुई दिन बिदा, ओपीडी शनिबार–आइतबार बन्द

सरकारले स्वास्थ्य संस्थामा हप्तामा दुई दिन बिदा दिने निर्णय गर्दै शनिबार र आइतबार ओपीडी सेवा बन्द गर्ने जनाएको छ। स्वास्थ्य मन्त्रालयका अनुसार आकस्मिक र अन्तरंग सेवा भने निरन्तर सञ्चालन हुनेछन्। बिरामीलाई असर नपरोस् भनी वैकल्पिक सेवा, रेफरल र एम्बुलेन्स तयारी राख्न निर्देशन दिइएको छ। चिकित्सकहरूको दबाबपछि यस्तो निर्णय गरिएको हो।