कुलेश्वरमा लागुऔषध कारोबारी पक्राउ गर्न प्रहरीको गोली, दुई घाइते

काठमाडौंको कुलेश्वरमा लागुऔषध कारोबारी पक्राउ गर्ने क्रममा प्रहरीले गोली चलाएको छ। लागुऔषध नियन्त्रण ब्युरोको टोलीमाथि आक्रमण गरी भाग्न खोजेपछि दुई जनालाई गोली हानी नियन्त्रणमा लिइएको प्रहरीले जनाएको छ। दुवैको घुँडामुनि गोली लागेको छ। उनीहरूको साथबाट ट्रामाडोल बरामद गरिएको छ भने प्रहरीले पाँच राउन्ड हवाई फायर र दुई राउन्ड गोली चलाएको थियो।