नेपाली कांग्रेसले पुनः कार्यसम्पादन समिति बैठक बोलायो

नेपाली कांग्रेसले विशेष महाधिवेशनको मिति बारे निर्णय गर्न पुनः कार्यसम्पादन समिति बैठक डाकेको छ। सोमबार (पुस २०) दिउँसो १ बजेका लागि बैठक बोलाइएको छ। अघिल्लो बैठकमा पुस २६–२८ हुने भनिएको १५औँ महाधिवेशन वैशाख २८–३१ मा सार्ने निर्णय गरिएको थियो, तर महामन्त्रीद्वयले पुस २७–२८ मा विशेष महाधिवेशन गर्ने अडान राखेपछि पुनः बैठक आवश्यक भएको हो।