जेठमा पनि बैंक ब्याजदर घट्यो, मुद्दती निक्षेपमा प्रतिफल न्यून

वाणिज्य बैंकहरूले जेठ महिनाका लागि मुद्दती निक्षेपको ब्याजदर थप घटाएका छन्। ७ बैंकले ब्याजदर घटाउँदा औसत अधिकतम ब्याजदर ४.४० प्रतिशतबाट ४.३४ प्रतिशतमा झरेको छ। अधिकांश बैंकको ब्याजदर मुद्रास्फितिभन्दा तल पुगेको छ। बैंकहरूमा तरलता बढी र कर्जा प्रवाह कमजोर हुँदा ब्याजदर घटिरहेको हो। अब कुनै पनि बैंकले व्यक्तिगत मुद्दतीमा ४.८ प्रतिशतभन्दा बढी ब्याज नदिने भएका छन्।