कांग्रेसको संस्थापन इतर समूह महाधिवेशन प्रक्रिया रोक्न अदालत जाने

नेपाली कांग्रेसको संस्थापन इतर समूहले १५औँ महाधिवेशनको प्रक्रिया रोक्न माग गर्दै अदालत जाने निर्णय गरेको छ। डा. शशांक कोइरालाको निवासमा बिहीबार बसेको शीर्ष नेताहरूको बैठकले शुक्रबारसम्म निवेदन दर्ता गर्ने निर्णय गरेको हो। पार्टीको आधिकारिकतासम्बन्धी विवाद अदालतमा पुनः सुनुवाइ हुने भएकाले महाधिवेशन प्रक्रिया अघि बढाउन नहुने इतर समूहको तर्क छ। तर कांग्रेसले भने महाधिवेशन प्रक्रिया अघि बढाइसकेको छ।