देशभर नयाँ सार्वजनिक सवारी दर्तामा रोक

यातायात व्यवस्था विभागले देशभर सार्वजनिक सवारी साधनको नयाँ दर्तामा रोक लगाएको छ। अत्यधिक सवारी चाप, ट्राफिक जाम, प्रदूषण र लगानी जोखिमलाई ध्यानमा राख्दै अर्को सूचना नभएसम्म दर्ता बन्द गरिएको हो। जेठ ७ गते जारी परिपत्रअनुसार पेट्रोलियम तथा विद्युतीय दुवै सार्वजनिक सवारी दर्ता गर्न नपाइनेछ। निर्णय सवारी तथा यातायात व्यवस्था ऐन, २०४९ अनुसार गरिएको विभागले जनाएको छ।