राष्ट्र बैंकद्वारा ५०० रुपैयाँको नयाँ नोट जारी, सुरक्षा विशेषता थप

नेपाल राष्ट्र बैंकले आजदेखि ५०० रुपैयाँ दरको नयाँ नोट चलनचल्तीमा ल्याएको छ। नयाँ नोटमा सगरमाथा हिमाल, लालीगुराँस, पाटे बाघ तथा कुबेरको चित्रसहित विभिन्न सुरक्षा विशेषताहरू समावेश छन्। नोटमा सुरक्षण धागो, दृष्टिविहीनका लागि स्पर्श संकेत र गर्भनर विश्वनाथ पौडेलको दस्तखत राखिएको छ। बैंक तथा वित्तीय संस्थामार्फत नयाँ नोट बजारमा वितरण सुरु भएको छ।