टस हार्दै नेपाल इटलीविरुद्ध पहिले ब्याटिङ गर्दै

आईसीसी टी–२० विश्वकपको समूह चरणअन्तर्गत दोस्रो खेलमा नेपालले इटलीविरुद्ध टस हारेर पहिले ब्याटिङ गर्ने भएको छ। इटलीका निमित्त कप्तान ह्यारी मानेन्तीले टस जितेर बलिङ रोजे। नियमित कप्तान वायन म्याड्सेन चोटका कारण अनुपस्थित छन्। नेपालले शेर मल्लको स्थानमा ललित राजवंशीलाई समेटेको छ। दुवै टोली पहिलो खेलमा पराजित भएका थिए।