प्रधानमन्त्री बालेन र भारतीय राजदूत श्रीवास्तवबीच भेटवार्ता

प्रधानमन्त्री बालेन्द्र शाहले नेपालका लागि भारतीय राजदूत नवीन श्रीवास्तवसँग सिंहदरबारमा भेटवार्ता गरेका छन्। भेटमा नेपाल–भारत द्विपक्षीय सम्बन्ध, पारस्परिक हित, विकास साझेदारी तथा सहकार्यका विषयमा छलफल भएको प्रधानमन्त्रीको सचिवालयले जनाएको छ। राजदूत श्रीवास्तवले प्रधानमन्त्री शाहलाई शुभकामना दिँदै सम्बन्ध थप सुदृढ बनाउने प्रतिबद्धता जनाएका छन्। प्रधानमन्त्री शाहले पनि ऐतिहासिक सम्बन्धलाई अझ प्रगाढ बनाउन जोड दिएका छन्।