गगन थापा र शेखर कोइरालाबीच भेटवार्ता, सहमति जुटेन

नेपाली कांग्रेसका सभापति गगन थापा र नेता डा. शेखर कोइरालाबीच मंगलबार बिहान भेटवार्ता भएको छ। विशालनगरस्थित कोइरालाको सम्पर्क कार्यालयमा भएको भेटमा पार्टीभित्र देखिएको सांगठनिक र नीतिगत विवाद समाधान गर्ने विषयमा छलफल भएको थियो। दुवै पक्षले आ–आफ्ना धारणा राखे पनि कुनै सहमति जुट्न सकेन। पार्टीलाई एकताबद्ध बनाउने प्रयासस्वरूप भेटवार्ता भएको बताइएको छ।