भारतीय अवरोधपछि इलामका चिया उद्योग बन्द, हजारौँ किसान र मजदुर प्रभावित

भारतीय पक्षले गुणस्तर परीक्षणको बहानामा नेपाली चिया निर्यातमा अवरोध गरेपछि इलामका अर्थोडक्स चिया उद्योग सोमबारदेखि बन्द भएका छन्। निर्यात रोकिँदा लाखौँ किलो चिया गोदाम र उद्योगमै थन्किएको छ। यसले ८६ उद्योग, हजारौँ मजदुर र किसान प्रभावित भएका छन्। उद्योगीहरूले समस्या समाधानका लागि सरकारले कूटनीतिक पहल गर्नुपर्ने माग गरेका छन्।