त्रिवि क्रिकेट मैदान नभत्काइने, नयाँ सम्झौताको तयारी

सरकारले कीर्तिपुरस्थित त्रिवि क्रिकेट मैदान नभत्काइने स्पष्ट पारेको छ। प्रवक्ता तथा शिक्षामन्त्री सस्मित पोखरेलले राज्यको लगानी भएकाले संरचना जोगाइने बताए। त्रिविले क्यानलाई मैदान खाली गर्न पत्र पठाएपछि विवाद बढेको थियो। मन्त्रीका अनुसार लिज अवधि सकिएकाले नयाँ सम्झौता गरिनेछ। दुवै पक्षबीच छलफल सकारात्मक रहेको र छिट्टै नयाँ सहमति हुने अपेक्षा गरिएको छ।