बालसुधार गृह सुधार्न सरकारलाई निर्देशन, बिनु–निहारिकालाई गृहमन्त्रीसँग भेट गराउन आग्रह

प्रतिनिधिसभाको कानुन, न्याय तथा मानव अधिकार समितिले देशभरका बालसुधार गृहको भौतिक पूर्वाधार, क्षमता अभिवृद्धि, पोषण र मानवअधिकारको अवस्था सुधार्न सरकारलाई निर्देशन दिएको छ। समितिले बालबालिकालाई कैदीसरहको खाना होइन, पोषणयुक्त आहार उपलब्ध गराउन जोड दिएको छ। साथै अधिकारकर्मी बिनु यादव र निहारिका राजपुतलाई गृहमन्त्रीसँग भेट्ने वातावरण मिलाउन गृह मन्त्रालयलाई आग्रह गरेको छ।