कांग्रेस इतर समूहको निर्णय : १५औँ महाधिवेशन देउवाकै नेतृत्वमा गर्ने

नेपाली कांग्रेसको संस्थापन इतर पक्षीय नेताहरूको राष्ट्रिय भेलाले पार्टीको १५औँ महाधिवेशन पूर्वसभापति शेरबहादुर देउवाकै नेतृत्वमा सम्पन्न गर्ने निर्णय गरेको छ। साउन २९ देखि ३१ गतेसम्म चलेको भेलाले १४औँ महाधिवेशनबाट निर्वाचित केन्द्रीय कार्यसमितिको निर्णय र आयोजनामा महाधिवेशन गर्ने प्रस्ताव पारित गरेको हो। महाधिवेशनसम्म पार्टीका नियमित गतिविधि देउवाको निर्देशनमा राष्ट्रिय भेला तथा सम्मेलनका संयोजकहरूले संयोजन गर्ने निर्णय पनि भएको छ।