सम्पत्ति विवरणबारे सर्वोच्चको आदेशपछि आयोगले सोमबार निर्णय गर्ने

सर्वोच्च अदालतको अन्तरिम आदेशपछि सम्पत्ति विवरण संकलन र छानबिन प्रक्रियाबारे निर्णय गर्न सम्पत्ति छानबिन आयोगले सोमबार बैठक बस्ने भएको छ। अध्यक्ष राजेन्द्रकुमार भण्डारीले आदेश प्राप्त भएपछि मात्रै औपचारिक निर्णय हुने बताए। हालसम्म सम्पत्ति विवरण बुझ्ने प्रक्रिया रोकिएको छैन। आदेशको व्याख्यामा अन्योल रहेकाले विस्तृत अध्ययनपछि आयोगले आगामी कार्ययोजना तय गर्ने जनाएको छ।