चार महिनामा ११ हजारभन्दा बढी सरकारी कर्मचारी कारबाहीमा

राष्ट्रिय सतर्कता केन्द्रले पछिल्लो चार महिनामा ९२४ सरकारी कार्यालयको अनुगमन गरी ११ हजार ४ जना कर्मचारीलाई कारबाहीका लागि सिफारिस गरेका छन्। केन्द्रका अनुसार आचारसंहिता तथा समय पालना नगर्ने, तोकिएको पोशाक नलगाउने र कार्यकक्षमा नभेटिएका कर्मचारी कारबाहीमा परेका हुन्। सो अवधिमा एक हजार २९८ उजुरी दर्ता भएकामा एक हजार ११४ अर्थात् ८५.८२ प्रतिशत उजुरी फछ्र्यौट भएका छन्।