सभामुख घिमिरे: प्रतिनिधिसभा पुनर्स्थापनाको सम्भावना छ

विघटित प्रतिनिधिसभाका सभामुख देवराज घिमिरेले संसद् विघटनसम्बन्धी मुद्दा सर्वोच्च अदालतमा विचाराधीन रहेकाले प्रतिनिधिसभा पुनर्स्थापनाको सम्भावना रहेको बताएका छन्। झापामा आयोजित कार्यक्रममा उनले संसद् जबरजस्त भंग गरेर संविधानलाई लिकबाहिर पुर्‍याइएको दाबी गरे। संविधानअनुसार फागुन ५ गतेसम्म आफू सभामुखकै जिम्मेवारीमा रहने उनको भनाइ छ।