भारतीय सेनाध्यक्ष धिरज सेठ चारदिने नेपाल भ्रमणमा

भारतीय सेनाध्यक्ष धिरज सेठ प्रधानसेनापति अशोकराज सिग्देलको औपचारिक निमन्त्रणामा चारदिने नेपाल भ्रमणका क्रममा आइतबार काठमाडौं आएका छन्। भ्रमणका क्रममा राष्ट्रपति रामचन्द्र पौडेलले सोमबार उनलाई नेपाली सेनाको मानार्थ महारथीको दर्ज्यानी चिह्न प्रदान गर्ने कार्यक्रम छ। त्यसै दिन प्रधानसेनापति सिग्देलसँग द्विपक्षीय भेटवार्ता हुनेछ। भ्रमणको उद्देश्य नेपाल–भारत सैन्य सम्बन्धलाई थप सुदृढ बनाउनु रहेको नेपाली सेनाले जनाएको छ।