अमेरिकाबाट एकैपटक ७५ नेपाली निष्कासित

अमेरिकाले गैरकानुनी रूपमा बसोबास गरिरहेका ७५ नेपालीलाई चार्टर्ड विमानमार्फत काठमाडौं पठाएको छ। उनीहरूलाई विभिन्न समयमा अमेरिकामा पक्राउ गरिएको थियो। अमेरिकी सरकारले निष्कासन तयारी गर्दा वासिङटनस्थित नेपाली दूतावासलाई जानकारी गराएको थियो। ट्रम्प प्रशासनको नयाँ आप्रवासन नीतिअनुसार अवैध बसोबास गर्ने आप्रवासीमाथि कारबाही जारी छ। अझै केही नेपाली हिरासतमा रहेका छन्।