कामिरिता शेर्पाद्वारा सगरमाथाको कीर्तिमानी ३१ औं सफल आरोहण

प्रसिद्ध नेपाली पर्वतारोही कामिरिता शेर्पाले मंगलबार बिहान सगरमाथा शिखरमा ३१ औं पटक पुगेर आफैंको कीर्तिमान तोडेका छन्। ५५ वर्षीय शेर्पाले बिहान ४ बजे विश्वको सर्वोच्च शिखरमा पाइला टेकेको नेपाल पर्यटन बोर्डले जनाएको छ। उनले गत वर्ष २९ औं र ३० औं पटक सगरमाथा आरोहण गरेका थिए। सोलुखुम्बुको थामे गाउँमा जन्मिएका कामिरिता शेर्पा व्यवसायिक हिमाल गाइडका रूपमा काम गर्छन्।