नेपाललाई ग्रे लिस्टबाट हटाउन कर प्रशासन सुधारमा सरकारको जोड

अर्थमन्त्री डा. स्वर्णिम वाग्लेले कर प्रशासनलाई पारदर्शी, प्रभावकारी र विश्वसनीय बनाएर नेपाललाई ‘ग्रे लिस्ट’बाट चाँडै बाहिर निकाल्ने सरकारको लक्ष्य रहेको बताएका छन्। उनले स्वेच्छिक कर अनुपालन, सम्पत्ति शुद्धीकरण नियन्त्रण, करदाता सचेतना, डिजिटल कारोबार विस्तार र कर प्रशासन सुदृढीकरणमा जोड दिँदै आवश्यक जनशक्ति, पूर्वाधार र प्रविधिको अभाव भए खुलस्त जानकारी गराउन निर्देशन दिएका छन्।