आङ्देम्बे बने कांग्रेस संसदीय दलका नेता

नेपाली कांग्रेस प्रतिनिधिसभा संसदीय दलको नेतामा भीष्मराज आङ्देम्बे निर्विरोध निर्वाचित भएका छन्। सोमबार बसेको संसदीय दलको बैठकले उनलाई सर्वसम्मत चयन गरेको सहमहामन्त्री प्रकाश रसाइलीले जानकारी दिए। दुई महिनादेखि चलिरहेको आन्तरिक प्रतिस्पर्धापछि कार्यसम्पादन समितिको सहमतिमा आङ्देम्बेको नाम टुंगो लागेको हो। यसअघि अर्जुननरसिंह केसी र मोहन आचार्यले पनि दाबी गर्दै आएका थिए, जसका कारण सहमति ढिलो भएको थियो।