नेपाल वायु सेवा निगमको पदाधिकारी छनोट प्रक्रियामा सर्वोच्चको रोक

नेपाल वायु सेवा निगमको सञ्चालक समिति पदाधिकारी छनोट प्रक्रियामा सर्वोच्च अदालतले अन्तरिम रोक लगाएको छ। न्यायाधीशद्वय कुमार रेग्मी र श्रीकान्त पौडेलको संयुक्त इजलासले सदस्य तथा अध्यक्ष चयन प्रक्रिया अघि नबढाउन आदेश दिएको हो। सरकारले प्रतिस्पर्धामार्फत पदाधिकारी नियुक्त गर्ने तयारी गरिरहेको अवस्थामा संस्कृति, पर्यटन तथा नागरिक उड्डयन मन्त्रालय र छनोट समितिका नाममा आदेश जारी भएको हो।