कुटनीतिक नियोगका प्रतिनिधिहरूलाई निर्वाचन अवलोकन गर्न दिइने

निर्वाचन आयोगले आसन्न प्रतिनिधिसभा निर्वाचनको तयारीबारे नेपालस्थित कूटनीतिक नियोग, संयुक्त राष्ट्रसंघीय निकाय र विकास साझेदारलाई जानकारी गराएको छ। प्रवक्ता नारायणप्रसाद भट्टराईका अनुसार निर्वाचन अन्तर्राष्ट्रिय चासोको विषय भएकाले तथ्य–तथ्यांक, प्रोटोकल, आवागमन र पर्यवेक्षणसम्बन्धी विवरण साझा गरिएको हो। मतदानका दिन प्रोटोकलअनुसार अवलोकनको व्यवस्था गरिने आयोगले जनाएको छ।