राष्ट्रिय सभाबाट रसुवा बाढीबारे विशेष प्रस्ताव सर्वसम्मत पारित

राष्ट्रिय सभाले रसुवाको भोटेकोशीमा आएको विनाशकारी बाढीबारे विशेष प्रस्ताव सर्वसम्मतिले पारित गरेको छ। प्रस्तावमार्फत बाढीमा ज्यान गुमाएकाप्रति श्रद्धाञ्जली र शोकसन्तप्त परिवारप्रति समवेदना व्यक्त गरिएको छ। साथै प्रभावितको उद्धार, राहत, घाइतेको निःशुल्क उपचार र वैज्ञानिक शव व्यवस्थापनलाई प्राथमिकता दिन सरकारको ध्यानाकर्षण गराइएको छ।