विष्णु पौडेलको रिटमा सर्वोच्चको कारण देखाऊ आदेश

एमाले उपाध्यक्ष विष्णु पौडेलको बन्दीप्रत्यक्षीकरण रिटमा सर्वोच्च अदालतले कारण देखाऊ आदेश जारी गरेको छ। न्यायाधीश श्रीकान्त पौडेलको इजलासले विपक्षीहरूलाई पौडेललाई किन थुनामा राखिएको हो भन्ने आधारसहित जवाफ पेश गर्न आदेश दिएको हो। साथै उनलाई अदालतमा उपस्थित गराउन पनि भनिएको छ। सम्पत्ति शुद्धीकरण मुद्दामा पक्राउ परेका पौडेलको रिहाइ माग गर्दै उनकी पत्नीले रिट दायर गरेकी थिइन्।