कतारका प्रधानमन्त्रीसँग सुशीला कार्कीको टेलिफोन वार्ता

प्रधानमन्त्री सुशीला कार्कीले कतारका प्रधानमन्त्री शेख मोहम्मद बिन अब्दुलरहमान अल–थानीसँग टेलिफोन वार्ता गर्दै पश्चिम एसियाको पछिल्लो अवस्थाप्रति चिन्ता व्यक्त गरेकी छन्। उनले कतारमा रहेका करिब ३ लाख ६० हजार नेपालीको सुरक्षा सुनिश्चित गरिएकोमा धन्यवाद दिइन्। वार्तामा द्वन्द्वको समाधान संवाद र कूटनीतिबाट मात्र सम्भव हुने तथा नेपाल–कतार सम्बन्ध अझ सुदृढ बनाउने विषयमा पनि छलफल भएको बताइएको छ।