चीनबाट ५० टन आपतकालीन राहत सामग्री काठमाडौं आइपुग्यो

चीन सरकारले नेपाललाई उपलब्ध गराएको ५० टन आपतकालीन राहत सामग्री आज काठमाडौं आइपुगेको छ। चिनियाँ जनमुक्ति सेनाको वायुसेनाका दुईवटा वाई–२० कार्गो विमानमार्फत सामग्री त्रिभुवन अन्तर्राष्ट्रिय विमानस्थल ल्याइएको हो। राहत सामग्री हस्तान्तरण समारोहमा नेपालका लागि चिनियाँ राजदूत झाङ माओमिङ, मन्त्री महावीर पुन र सांसद धर्म केसी उपस्थित थिए।