रास्वपाका नवनिर्वाचित पदाधिकारी र केन्द्रीय सदस्यले लिए शपथ

राष्ट्रिय स्वतन्त्र पार्टी (रास्वपा) का नवनिर्वाचित पदाधिकारी तथा केन्द्रीय सदस्यहरूले बुधबार काठमाडौंको बनस्थलीस्थित केन्द्रीय कार्यालयमा शपथ लिएका छन्। पार्टी सभापति रवि लामिछानेले उनीहरूलाई शपथ गराएका हुन्। चितवनमा सम्पन्न प्रथम महाधिवेशनबाट ६ पदाधिकारी र ९९ केन्द्रीय सदस्य निर्वाचित भएका थिए। शपथपछि सभापति लामिछानेले सबैलाई मायाको चिनो र प्रमाणपत्र प्रदान गरे।