२५० नेपालीलाई अवैध रूपमा अमेरिका पठाउने दुई जनाविरुद्ध सम्पत्ति शुद्धीकरण मुद्दा

करिब २५० नेपालीलाई गैरकानुनी बाटोबाट अमेरिका पठाएको आरोपमा कलबहादुर बस्नेत र अमित बस्नेतविरुद्ध जिल्ला अदालत काठमाडौँमा सम्पत्ति शुद्धीकरण मुद्दा दायर गरिएको छ। ७० करोडभन्दा बढी र २७ करोडभन्दा बढी बिगो कायम गरिएको प्रहरीले जनाएको छ। एक जना पुर्पक्षका लागि थुनामा छन् भने अर्का फरार छन्। घरजग्गा र बैंक खातासमेत जफत माग गरिएको छ।