अस्ट्रेलियाको सेना प्रमुखमा पहिलोपटक महिला नियुक्त

अस्ट्रेलियाले इतिहासमै पहिलोपटक महिलालाई सेना प्रमुख बनाउने निर्णय गरेको छ। लेफ्टिनेन्ट जनरल सुसान कोयलले जुलाईदेखि यो जिम्मेवारी सम्हाल्नेछिन्। उनी लेफ्टिनेन्ट जनरल साइमन स्टुअर्टको स्थान लिनेछिन्। १९८७ देखि सेनामा कार्यरत कोयलले विभिन्न वरिष्ठ पद सम्हालिसकेकी छन्। यो निर्णयलाई सरकार र रक्षामन्त्रीले ऐतिहासिक र प्रेरणादायी कदम भनेका छन्।