पूर्व एन्फा अध्यक्ष कर्मा छिरिङ शेर्पा पक्राउ

अखिल नेपाल फुटबल संघ (एन्फा) का पूर्व अध्यक्ष कर्मा छिरिङ शेर्पालाई प्रहरीले ठगी तथा आपराधिक विश्वासघातको आरोपमा पक्राउ गरेको छ। सीआईबीले बुढानीलकण्ठबाट पक्राउ गरी अनुसन्धान थालेको हो। टुङ्गराम इन्टरनेशनल एकेडेमीको करिब ८ करोड ७८ लाख रुपैयाँ अपचलन, विद्यालयको सम्पत्ति दुरुपयोग तथा आफ्नो कम्पनीलाई अनुचित लाभ पुर्‍याएको आरोपमा उनीमाथि अनुसन्धान भइरहेको प्रहरीले जनाएको छ।