कृष्णभीरको पहिरोले नागढुंगा–मुग्लिन सडक तत्काल खुल्ने सम्भावना न्यून

त्रिशूली नदीको बाढीसँगै कृष्णभीरमा खसेको ठूलो पहिरोका कारण नागढुंगा–मुग्लिन सडक तत्काल सञ्चालनमा ल्याउन कठिन देखिएको छ। सडकमा गम्भीर क्षति पुगेकाले स्थायी पुनर्निर्माण आवश्यक पर्ने सडक योजनाले जनाएको छ। अध्ययन, डिजाइन र टेन्डर प्रक्रियाका कारण दशैंअघि सडक खुल्ने सम्भावना न्यून रहेको अधिकारीहरूको भनाइ छ। यसबीच यात्रु तथा मालवाहक सवारीका लागि वैकल्पिक मार्ग खोजी भइरहेको छ।