कांग्रेसले क्रियाशील सदस्यता अद्यावधिक द्रुत बनाउन अनुगमन समिति खटायो

नेपाली कांग्रेसले क्रियाशील सदस्यता अद्यावधिक प्रक्रियालाई द्रुत बनाउन संगठनात्मक संरचना सक्रिय गर्दै अनुगमन गर्ने निर्णय गरेको छ। सातै प्रदेशमा केन्द्रीय पदाधिकारी र सदस्य खटाइनेछ। १५औँ महाधिवेशनका लागि नयाँ सदस्यता तथा नवीकरण कार्य २१ जेठभित्र पूरा गर्न निर्देशन दिइएको छ। समायोजन भएका सदस्यहरूको समस्या समाधानका लागि पनि प्रतिनिधि खटाइनेछ।