प्रतिनिधिसभा बैठक: दुई समिति गठन गर्दै तीन अध्यादेश सर्वसम्मतिद्वारा स्वीकृत

सभामुख डोलप्रसाद अर्यालको अध्यक्षतामा बसेको प्रतिनिधिसभा बैठकले दुई समिति गठन गरेको छ। २१ सदस्यीय कार्यव्यवस्था परामर्श समिति सभाको सञ्चालन र कार्यसूची निर्धारण गर्नेछ भने १५ सदस्यीय मस्यौदा समिति सभाको नियमावली तयार गर्नेछ। समितिले विशेषज्ञ सहयोग लिन सक्नेछ र कार्यकाल १४ दिनको हुनेछ। बैठकले ‘मतदाता नामावली (पहिलो संशोधन)’, ‘प्रतिनिधिसभा सदस्य निर्वाचन (पहिलो संशोधन)’ र ‘नेपाल विशेष सेवा (दोस्रो संशोधन)’ अध्यादेश सर्वसम्मतिले स्वीकृत गरेको छ।