प्रतिनिधिसभा नियमावली मस्यौदामा विज्ञको राय

प्रतिनिधिसभा सञ्चालन नियमावली मस्यौदा समितिको बैठक सिंहदरबारमा जारी छ। सचिवालयका अनुसार मस्यौदामाथि विज्ञहरूको राय संकलन भइरहेको छ। परिवर्तित सन्दर्भअनुसार संसदलाई प्रभावकारी रूपमा सञ्चालन गर्ने उद्देश्यले नियमावली परिमार्जनबारे छलफल केन्द्रित छ। समितिका सदस्यहरूले विद्यमान नियमावलीका धेरै दफामा संशोधन आवश्यक रहेको औँल्याएका छन्। बैठकमा संसद् सचिवालयका पूर्वमहासचिव मनोहर भट्टराईलगायतको सहभागिता रहेको छ।