होल्डिङ सेन्टरमा रहेका सुकुमबासीलाई ५ दिनभित्र स्थान खाली गर्न निर्देशन

बागमती सभ्यता एकीकृत विकास समितिले कीर्तिपुरस्थित होल्डिङ सेन्टरमा बसिरहेका सुकुमबासी तथा भूमिहीनलाई पाँच दिनभित्र स्थान खाली गर्न निर्देशन दिएको छ। मनसुनका कारण बाढी जोखिम बढेकाले यस्तो निर्णय गरिएको समितिको भनाइ छ। पुनर्स्थापनाका लागि प्रतिपरिवार २५ हजार रुपैयाँ र घरबारविहीन प्रमाणित परिवारलाई मासिक १५ हजार रुपैयाँ भाडा सहयोग उपलब्ध गराइने जनाइएको छ।