गणेश नेपाली आत्मदाह प्रकरण छानबिन गर्न न्यायिक समिति गठन

सरकारले गणेश नेपालीको आत्मदाह घटनाको छानबिन गर्न पूर्वन्यायाधीश केशवप्रसाद बास्तोलाको संयोजकत्वमा तीन सदस्यीय न्यायिक समिति गठन गरेको छ। समितिलाई सात दिनभित्र प्रतिवेदन बुझाउने जिम्मेवारी दिइएको छ। महानगर प्रहरीसँग विवादपछि आत्मदाह गरेका मुगुका गणेश नेपालीको उपचारका क्रममा वीर अस्पतालमा मृत्यु भएको थियो। समिति गठन पीडित पक्षसँग भएको ९ बुँदे सहमतिअनुसार गरिएको हो।