केपी शर्मा ओली माथि एमालेभित्र दबाब बढ्दो

नेकपा एमालेको केन्द्रीय सचिवालय बैठक आज पनि भक्तपुरको गुण्डुस्थित केपी शर्मा ओली निवासमा बस्दैछ। अधिकांश नेताले ओलीको कार्यशैलीको आलोचना गर्दै नेतृत्व हस्तान्तरणको सुझाव दिएका छन्। महासचिव शंकर पोखरेल सहित केही नेताले वर्तमान अवस्थामा पार्टी अघि बढ्न नसक्ने बताएका छन् भने केही नेताले ओलीको पक्षमा समर्थन जनाएका छन्। आज बाँकी नेताको धारणा सुनेपछि ओलीले जवाफ दिने कार्यक्रम छ।