महाधिवेशन तयारीबारे छलफल गर्न रास्वपाले सचिवालय बैठक बोलायो

राष्ट्रिय स्वतन्त्र पार्टी (रास्वपा)ले बिहीबार बिहान ८ बजे वनस्थलीस्थित केन्द्रीय कार्यालयमा सचिवालय बैठक बोलाएको छ। कोषाध्यक्ष लिमा अधिकारीका अनुसार बैठकमा प्रथम महाधिवेशनको तयारी, विधान संशोधन तथा महाधिवेशन कार्यविधिलगायत विषयमा छलफल हुनेछ। रास्वपाको पहिलो महाधिवेशन असार ७ देखि ९ गतेसम्म चितवनमा आयोजना हुँदैछ।